Një aksident i rëndë trafiku që ndodhi dje në mesditë fshatin Jagodë të Klinës, ku një veturë është përplasur nga treni që po qarkullonte në relacionin Pejë–Prishtinë, la një të vdekur dhe tre të lënduar.
Gazeta Sinjali raportoi dje se viktimë e aksidentit të rëndë është Niko Palushaj, i cili ishte duke e drejtuar veturën që u godit fuqishëm nga treni dhe u tërhoq për rreth 160 metra.
I ndjeri do të varroset sot në ora 13:00, në varrezat e fshatit Jagodë.
Ndryshe, Gazeta Sinjali ka shkruar dje edhe tre familjarë të viktimës janë lënduar rëndë si pasojë e aksidentit, dy prej të cilëve janë duke u trajtuar në Spitalin Rajonal të Pejës, ndërsa njëri është transferuar për trajtim të mëtejshëm në QKUK në Prishtinë.