Punimet në rrugën “Agim Ramadani” do të shtyhen përkohësisht, kjo për shkak të reshjeve të vazhdueshme gjatë kësaj jave, njofton Komuna e Prishtinës.
Në njoftim thuhet se punimet janë në fazat përfundimtare të rehabilitimit të rrugës “Agim Ramadani”.
“Për të siguruar cilësi sa më të lartë dhe jetëgjatësi të rrugës, jemi detyruar të shtyjmë përkohësisht punimet për nivelizimin e pusetave dhe shtrimin e asfaltit, për shkak të reshjeve të vazhdueshme gjatë kësaj jave. Me përmirësimin e motit, punimet do të vazhdojnë menjëherë – gjatë fundjavave dhe ditëve të javës pas orës 19:00”, thuhet në njoftimin e Komunës.
Sipas njoftimit të Komunës, rruga do të jetë plotësisht e përfunduar më 4 maj.