Liderët pjesëmarrës në Samitin e Komunitetit Politik Evropian, i cili po mbahet sot në Tiranë, kanë realizuar foton zyrtare të përbashkët – një moment simbolik që shënon bashkimin e mbi 50 liderëve evropianë në kryeqytetin shqiptar.
Në rreshtin e parë të fotos u pozicionuan figurat kryesore të politikës evropiane dhe ndërkombëtare, përfshirë Sekretarin e Përgjithshëm të NATO-s, Mark Rutte, kryeministrin britanik Sir Keir Starmer, presidentin ukrainas Volodymyr Zelensky, presidentin francez Emmanuel Macron, kryeministrin e Shqipërisë Edi Rama, presidentin e Këshillit Evropian Antonio Costa, kryeministrin hungarez Viktor Orban, kryeministren italiane Giorgia Meloni, presidenten e Komisionit Evropian Ursula von der Leyen dhe kryeministren daneze Mette Frederiksen.
Presidentja e Kosovës, Vjosa Osmani, ishte e pranishme në rreshtin e dytë të fotos zyrtare.