Ministri i Investimeve Publike i Serbisë, Darko Glishiq, u sëmur këtë mëngjes gjatë një paraqitjeje si i ftuar në programin e mëngjesit të Pink TV. Emisioni u ndërpre papritur dhe u raportua jozyrtarisht se ai pësoi një goditje e rëndë në tru dhe ndodhet në gjendje të rëndë.
Glishiq ishte i ftuar në programin e mëngjesit të TV Pink, por papritmas filloi të belbëzonte dhe nuk mund të shqiptonte asnjë fjalë të plotë. Prezantuesit e pyetën disa herë nëse ndihej mirë, por ai nuk mundi të përgjigjej, kështu që programi u ndërpre.
Ministri serb, u dërgua me urgjencë në spital, ku më pas shkoi edhe presidenti serb, Aleksandar Vuçiq. Glishiq konsiderohet si një nga bashkëpunëtorët e tij më të ngushtë.
Darko Glishiq ka qenë ministër në Qeverinë e Serbisë që nga maji i vitit 2024. Ai ka qenë anëtar i Partisë Progresive Serbe që nga themelimi i saj, dhe që nga viti 2016 ka shërbyer si President i Bordit Ekzekutiv të SNS-së.