Dy oficerë policie u vranë dhe një u plagos nga një sulm me armë zjarri këtë mëngjes në stacionin e policisë në Balçova, qytet i Izmirit, Turqi.
Ngjarja ndodhi rreth orës 08:30, kur një i mitur 16-vjeçar, i identifikuar si Eren Bigül, u paraqit para stacionit dhe qëlloi me një pushkë gjahu ndaj forcës së sigurisë.
Një oficer u plagos dhe u dërgua menjëherë në Spitalin Klinik të Universitetit Dokuz Eylül për trajtim mjekësor. Sulmuesi u përpoq të shpëtonte, por u neutralizua nga qytetarët – një nga ta e goditi me një karrige, duke lehtësuar arrestimin e tij. Videoja e incidentit u përhap me shpejtësi në rrjetet sociale, duke shfaqur momentin tronditës të arrestimit.
Ministri i Brendshëm, Ali Yerlikaya, konfirmoi se sulmuesi është në duart e policisë, ndërsa Ministri i Drejtësisë Yılmaz Tunç njoftoi nisjen e një hetimi të thelluar. Eren Bigül jetonte në lagjen përreth stacionit dhe përdori një pushkë të babait të tij gjatë sulmit. Rrethanat dhe motivet e aktit mbeten ende të paqarta dhe në hetim.