Labinot Mirena, kandidat i Lidhjes Demokratike të Kosovës me numrin 7 në listë, ka zyrtarizuar rikandidimin e tij për mandatin e tretë në Asamblenë e Komunës së Obiliqit.
Mirena ka një përvojë 12-vjeçare si menaxher i kompanisë së pastrimit, ndërsa në dy mandatet e tij si asambleist është vlerësuar për aktivizmin dhe zërin e fuqishëm në adresimin e problemeve dhe kërkesave të qytetarëve të Obiliqit.
Ai shprehet se synon të vazhdojë angazhimin e tij në shërbim të qytetarëve, duke vendosur në fokus transparencën, zhvillimin dhe përfaqësimin dinjitoz në institucionet komunale.