Sot, më 12 shtator, Lëvizja Vetëvendosje hapi fushatën elektorale për zgjedhjet lokale.
Aktiviteti filloi më herët gjatë ditës në sheshin ‘’Zahir Pajaziti’’ teksa tani po zhvillohet në sheshin “Skënderbeu”.
Me moton “Bashkë me qytetarët, bashkë për komunat” fushata u hap nga kryetari i kësaj partie, Albin Kurti, që arriti i fundit në ngjarje.
Në ballë të fushatës, përveç Glauk Konjufcës dhe Albulena Haxhiut, ishte edhe kryetari i porsazgjedhur i Kuvendit, Dimal Basha, që më duartrokitje priti Kurtin në fushatë.
Hapja e fushatës së sotme u bë në kohën kur SHBA-ja njoftoi zyrtarisht pezullimin e dialogut strategjik me Republikën e Kosovës, duke fajësuar udhëheqësit e shtetit për zhvillimet politike e institucionale.