Këngëtarja e njohur shqiptare, Rovena Dilo, ka shkaktuar debat pas një deklarate të fortë lidhur me reperët dhe ndikimin e muzikës rap në shoqëri.
E ftuar në emisionin “Ftesë në 5”, Dilo shprehu shqetësimin e saj për atë që e përshkroi si një “zhanër provokativ”, i cili sipas saj mund të nxisë sjellje të rrezikshme dhe të polarizojë të rinjtë.
“Po të dëgjosh rap shqiptar, 50 për qind bëhen kriminelë,” tha Dilo, duke theksuar më tej se muzika duhet të shërbejë si “një mjet ushqyes, frymëzues, zbukurues”, dhe jo si një impuls drejt dhunës apo ekstremizmit.
