Sean “Diddy” Combs pritet të marrë sot dënimin e tij pas procesit të gjatë gjyqësor

Nuk ka mbetur edhe shumë për të filluar procesi gjyqësor ndaj reperit dhe producentit amerikan Sean “Diddy” Combs.

Ai tashmë është i pranishëm në seancën gjyqësore, BBC shkruan se do të jetë një ditë e gjatë në gjykatë me të dy ekipet ligjore që do të paraqesin argumentet e tyre për kohëzgjatjen e dënimit të tij.

Vetë Combs do të flasë, së bashku me të paktën katër anëtarë të ekipit të tij ligjor. Gjithashtu, edhe një grua që dëshmoi me pseudonimin “Mia” do të flasë.

Sean “Diddy” Combs pritet të dënohet sot pas një gjyqi federal intensiv dhe të profilit të lartë, Fati i Combs do të vendoset nga gjykatësi i distriktit amerikan Arun Subramanian, i cili mbikëqyri gjyqin e ndjekur nga afër, i cili u zhvillua nga maji deri në korrik.

Prokurorët i kërkuan Subramanian ta dënonte Combs me 11 vjet burg, duke e quajtur “të papenduar” dhe duke iu referuar abuzimit të tij në familje të pranuar. Avokatët e Combs, nga ana tjetër, i kërkuan gjykatësit ta dënonin atë me jo më shumë se 14 muaj burg.

Combs ka kaluar tashmë më shumë se një vit pas hekurave, që nga arrestimi i tij në shtator 2024.

Para seancës së tij të dënimit, Combs i shkroi një letër Subramanian duke kërkuar mëshirë, duke thënë se ai po merr “përgjegjësi të plotë dhe llogaridhënie për gabimet e tij të së kaluarës” dhe kërkoi falje drejtpërdrejt që goditi Casandra “Cassie” Ventura.

“Fjalë për fjalë e humba mendjen,” shkroi Combs. “Isha plotësisht gabim që i vura duart mbi gruan që doja. Më vjen keq për këtë dhe gjithmonë do të jem. Dhuna ime në familje do të jetë gjithmonë një barrë e rëndë që do të më duhet ta mbaj përgjithmonë.”

Combs u lirua nga akuzat më të rënda për shantazh dhe trafikim seksual, të cilat mund ta kishin çuar në burgim të përjetshëm, shkruajnë BBC dhe People, transmeton Klankosova.tv.