Analistët politikë Blerim Canaj, Magbule Shkodra dhe Gëzim Kasapolli kanë analizuar fushatën zgjedhore të kandidatëve për kryetarë të Komunave, si dhe programet e tyre.
Sipas tyre, gara mbetet e hapur në shumë komuna, me dallime të theksuara nga njëra zonë në tjetrën.
Canaj sheh balotazh pothuajse në të gjitha komunat, përveç Skenderajt dhe Ferizajt.
“Sipas të gjitha gjasave, përveç në Skenderaj dhe në Ferizaj, të gjitha komunat tjera i shoh në balotazh. Komunat më të mëdha, pothuajse të gjitha, përfshirë edhe Pejën, nuk pritet të kalojnë 50% që në raundin e parë”, tha Canaj në Click të RTV21.