Serwer për takimin me Thaçin: Ishte një bisedë shumë e ngrohtë, që pasqyronte marrëdhënien e thellë dhe të qëndrueshme që kemi pasur ndër vite
Profesori amerikan, Daniel Serwer, shpreh dyshime se udhëheqja e Ushtrisë Çlirimtare të Kosovës ka organizuar apo urdhëruar krime pas luftës, duke theksuar se Thaçi ka pasur rol politik dhe jo ushtarak.
Sipas tij, megjithëse disa krime janë kryer pas luftës, nuk ka prova që ato të kenë qenë të koordinuara nga drejtuesit e UÇK-së. Serëer theksoi gjithashtu se Serbia kishte ushtruar presion të madh për krijimin e Gjykatës Speciale dhe kishte ndikuar te partnerët perëndimorë për ta mbështetur këtë proces.
Pas një kohe të gjatë, profesori amerikan Daniel Serwer vendosi të takojë ish-presidentin e Kosovës, Hashim Thaçin, i cili tash e pesë vjet po qëndron në dhomat e paraburgimit në Hagë.
Serwer tregoi arsyet pse vendosi ta takojë Thaçin, ndonëse, siç tha ai, jo gjithmonë kanë pasur raporte të mira mes tyre.