Asociacioni i Komunave të Kosovës (AKK) ka njoftuar se Komiteti i Rajoneve i Bashkimit Evropian ka vendosur të heqë përdorimin e fusnotës te emri i Kosovës në dokumentet dhe komunikimet zyrtare.
Lajmin për Dukagjinin e ka konfirmuar drejtori ekzekutiv i AKK-së, Sazan Ibrahimi.
Ky vendim harmonizon qëndrimin e Komitetit të Rajoneve me atë të Parlamentit Evropian, i cili tashmë përdor emërtimin “Kosovë” pa asteriks në dokumentet e tij zyrtare.
Ibrahimi, e ka cilësuar këtë vendim si një zhvillim shumë të rëndësishëm për Kosovën dhe ka falënderuar Gillian Coughlan për kontributin e saj të jashtëzakonshëm në këtë drejtim.