Rruga “Malush Kosova” në kryeqytet është shembur plotësisht si pasojë e rrëshqitjes së dheut, duke shkaktuar bllokim të menjëhershëm të qarkullimit në këtë segment.
Sipas njoftimit zyrtar nga komuna e Prishtinës, në vendin e ngjarjes kanë dalë ekipet e Drejtorisë për Siguri dhe Emergjenca, Inspekcionit, KEDS-it, Ujësjellësit dhe Policisë, të cilat kanë ndërmarrë të gjitha masat e nevojshme për sigurimin e zonës dhe parandalimin e rrezikut për qytetarët.
Autoritetet kanë bërë të ditur se rruga aktualisht është e pakalueshme dhe kanë apeluar te qytetarët që të shmangin këtë pjesë dhe të respektojnë udhëzimet e dhëna nga ekipet në terren.
Për çdo zhvillim të ri lidhur me situatën, institucionet komunale kanë njoftuar se publiku do të informohet me kohë.