Biznesmeni i njohur shqiptar, Samir Mane, ka bërë të ditur se përmes fondacionit të tij, Mane Foundation, do të ndajë një donacion prej dhjetëra mijëra eurosh për Komunën e Skenderaj.
Këtë njoftim ai e dha gjatë pjesëmarrjes si mysafir në emisionin Oxygen, ku theksoi se mbështetja do të fokusohet në një nga dy sektorët kryesorë: arsimin ose shëndetësinë.
Sipas Manes, investimet në këto fusha janë thelbësore për zhvillimin afatgjatë të komunitetit dhe përmirësimin e kushteve të jetesës për qytetarët.
Ky premtim vjen si pjesë e angazhimeve të vazhdueshme të fondacionit për të kontribuar në zhvillimin social dhe ekonomik në hapësirat shqiptare.
Pritet që në ditët në vijim të bëhen publike më shumë informacione lidhur me destinimin e saktë të këtij donacioni dhe projektet që do të mbështeten në Skenderaj.
Video: https://www.facebook.com/share/v/1G7D1Y7TWV/?mibextid=wwXIfr