Papa Leo XIV thotë se kontrolli i Inteligjencës Artificiale nuk duhet të mbetet në duart e “pak njerëzve”, ndërsa paralajmëron se teknologjia po nxit konflikte botërore, duke paraqitur propozimet e tij në dokumentin e parë të madh teologjik të pontifikatit të tij.
Këto përfshijnë mbrojtjen e “madhështisë dalluese të njerëzimit” mes teknologjisë që ndryshon me shpejtësi dhe që përdorimi i inteligjencës artificiale në luftë t’i nënshtrohet “kufizimeve më të rrepta etike”, shkruan CNN.
Ndërsa enciklika përqendrohet te Inteligjenca Artificiale, është një tekst që shkon përtej çështjeve teknologjike dhe prek krizat me të cilat përballet njerëzimi.
Papa Leo tha se teoria e “luftës së drejtë” – një doktrinë e krishterë me katër degë që deklaron se cilat kushte e justifikojnë luftën – është “tani e vjetëruar”, duke thënë se forca ushtarake mund të përdoret vetëm për “vetëmbrojtje në kuptimin më të ngushtë”.
Ai shton se “testi i lakmusit” për drejtësi sociale është trajtimi i migrantëve dhe refugjatëve dhe ofroi një kërkim falje për legjitimimin e skllavërisë nga kisha dhe vonesën në denoncimin e kësaj fatkeqësie.