Përkeqësohet situata me flakët në Europë. Zjarret e mëdha që po përfshijnë Francën dhe Spanjën vijojnë të përhapen, ndërsa mijëra zjarrfikës po luftojnë për vënien e tyre nën kontroll.
Në jugperëndim të Francës, pranë Bordosë, janë evakuuar afro 200 mijë banorë, ndërsa ushtria është angazhuar për të mbështetur operacionet e emergjencës, shkruan A2.
Në Spanjë, numri i të zhvendosurve ka kaluar 60 mijë, ndërsa autoritetet pranë Madridit paralajmërojnë se zjarret janë përtej kapaciteteve aktuale të zjarrfikësve.
Kushtet ekstreme të motit, temperaturat e larta dhe erërat e forta kanë krijuar terrenin ideal për përhapjen e shpejtë të flakëve në të dy vendet.
Ndërkohë, banorët dhe turistët në zonat e prekura përshkruajnë situatën si dramatike, me hirin që ka mbuluar vendbanimet.