Më 23 korrik, në një zonë malorë afër fshatit Shkozë të Malishevës, janë gjetur disa mbetje mortore të cilat dyshohen se janë të Halim Sopajt, i zhdukur që nga data 5 tetor e vitit të kaluar.
Lidhur me rastin, Drejtoria Rajonale e Policisë në Gjakovë në bashkëpunim me institucionet e tjera përkatëse, kishte zhvilluar operacione të njëpasnjëshme kërkim-shpëtimi, mirëpo pa rezultat në lokalizimin e tij.
Policia njofton se mbetjet mortore të viktimës u dërguan për ekzaminim në Institutin e Mjekësisë Ligjore (IML) për analizat përkatëse dhe sot jemi njoftuar zyrtarisht se ekzaminimi ka përfunduar dhe pas konsultimin me prokurorin e shteti mbetjet mortore u janë dorëzuar familjarëve.