Telenews

Aksidenti tragjik në Gjermani ku vdiqën tre mërgimtarë, Ambasada e Kosovës në kontakt të vazhdueshëm me familjen

Tre bashkatdhetarë tanë ndërruan jetë në një aksident fatal në Regensburg të Gjermanisë.

Tre shtetas të Kosovës, me prejardhje nga Komogllava e Ferizajt, u aksidentuan për vdekje derisa po ktheheshin nga Kosova.

“Me pikëllim të thellë morëm lajmin për humbjen tragjike të jetës së tre bashkatdhetarëve tanë në një aksident pranë Nittendorfit, në rajonin e Regensburgut në Bavari. Ambasada e Republikës së Kosovës në Gjermani është në kontakt me autoritetet gjermane lidhur me rastin.

Në këto momente jashtëzakonisht të dhimbshme, u shpreh ngushëllimet e mia më të sinqerta familjarëve dhe të afërmve të viktimave.  U prehshin në paqe!”, shkroi ambasadori i Kosovës në Gjermani, Faruk Ajeti.

IndeksOnline raporton se autoritetet e Republikës së Kosovës, si Ministria e Punëve të Jashtme, ashtu edhe Ambasada e Kosovës në Gjermani, janë në kontakt të vazhdueshëm me familjarët e viktimave.

Me të përfunduar hetimet e nevojshme nga shteti gjerman, autoritetet tona do të angazhohen për procedurat e kthimit të trupave të pajetë të viktimave, në Kosovë.

Viktimat janë T. Aliu (61 vjeç), djali i tij G. Aliu (34 vjeç) dhe nipi L. Aliu (16 vjeç).

Të ngajshme

Studentët e UP-së paralajmërojnë protestë, kërkojnë dorëheqjen e rektorit –

KushtrimGuraj

AL Trade organizon aktivitetin tashmë tradicional të dhurimit të gjakut në Drenas dhe Fushë Kosovë

KushtrimGuraj

Kosova me sistem të ri të pagesave, transferet bankare do të kryhen brenda sekondave –

KushtrimGuraj
Lajmet po ngarkohen…