OBSH ka sqaruar se është informuar për 169 raste në 12 shtete.
Sipas organizatës, pjesë e sistemit të OKB-së, deri më 21 prill, raste të hepatitit akut me origjinë të panjohur te fëmijët janë regjistruar në Mbretërinë e Bashkuar, SHBA, Spanjë, Izrael, Danimarkë, Irlandë, Holandë, Itali, Norvegji, Francë, Rumania dhe Belgjika.
Fëmijët që zhvilluan hepatit akut ishin nga një muaj deri në 16 vjeç. OBSH tha se në 74 rastet e fundit, është zbuluar një virus i zakonshëm i gripit, i njohur si adenovirus. Njëzet nga fëmijët e testuar ishin të infektuar me koronavirusin e ri, ndërsa 19 kishin adenovirus dhe COVID-19.
OBSH tha se po monitoronte nga afër situatën dhe po punonte me autoritetet shëndetësore britanike dhe shtetet e tjera anëtare dhe partnerët për rastet.
Zyrtarët shëndetësorë të SHBA-së kanë lëshuar një paralajmërim urgjent, duke u kërkuar pediatrit që të jenë vigjilentë për rastet e hepatitit tek të miturit, ndoshta të lidhura me një virus gripi, si pjesë e një hetimi më të gjerë për rastet e pashpjegueshme të hepatitit akut tek fëmijët./EO
The post Hepatit akut që prek fëmijët, OBSH: 169 raste në 12 shtete, shënohet viktima e parë appeared first on tëvë1.