Kryetari i Komunës së Prishtinës, Përparim Rama, ka paralajmëruar se Kosova rrezikon të humbasë organizimin e Lojërave Mesdhetare 2030, duke pretenduar se institucionet qendrore nuk u janë përgjigjur kërkesave të Komitetit Ndërkombëtar të Lojërave Mesdhetare (ICMG).
Rama ka bërë të ditur se ICMG ka konfirmuar mungesën e përgjigjeve institucionale dhe se më 19 dhjetor do të shqyrtohet situata, me mundësinë e thirrjes së një Asambleje të Jashtëzakonshme për të vendosur mbi të ardhmen e organizimit të Lojërave.