Telenews

175 zyrtarë policorë certifikohen në modulin për ballafaqimin me turma –

Policia e Kosovës ka certifikuar 175 zyrtarë policorë të Njësive për Reagim të Shpejtë (NJRSH), pas përfundimit të ciklit të trajnimeve profesionale në modulin “Ballafaqimi me Turma”.

Sipas njoftimit të Policisë, trajnimi është organizuar në pesë grupe, ndërsa certifikimi i grupit të pestë shënoi përmbylljen e këtij programi.

Trajnimi është realizuar nga instruktorët e Drejtorisë së Njësisë Speciale Operative (NJSO), në Kampin e Njësive Speciale në Vrellë dhe në Qendrën e Njësive Speciale “Enver Zymeri” në Mitrovicë, nën mbikëqyrjen e Divizionit të Trajnimit, në kuadër të Departamentit të Burimeve Njerëzore.

Në ceremoninë e certifikimit morën pjesë përfaqësues të stafit udhëheqës të Departamentit dhe Divizionit të Njësive Speciale, instruktorët e NJSO-së, si dhe përfaqësues të Drejtorisë Rajonale të Policisë në Mitrovicën e Jugut.

Policia ka bërë të ditur se ky program është pjesë e aktiviteteve për zhvillimin profesional të Njësive për Reagim të Shpejtë, me synim standardizimin e përgatitjes dhe avancimin e kapaciteteve për përmbushjen e detyrave policore.

Përmes trajnimeve të tilla, Policia e Kosovës synon të forcojë kapacitetet profesionale dhe operative të zyrtarëve policorë, si dhe gatishmërinë e tyre për reagim në situata të ndryshme.

Të ngajshme

Kosova prodhon robotin e parë tokësor pa ekuipazh – Ministria e Mbrojtjes tregon si funksionon dhe çfarë mund të bëjë –

KushtrimGuraj

Ndryshon agjenda e Jakup Krasniqit, pritet të largohet nga shtëpia në Velani në orën 12:00 –

KushtrimGuraj

Mbi 20 të dyshuar për mashtrimin e 85 grave të moshuara në Norvegji, skemën e drejtonin nga Kosova –

KushtrimGuraj
Lajmet po ngarkohen…