Kryeministri i Kosovës, Albin Kurti, ka uruar presidentin e posa zgjedhur të Shqipërisë, Bajram Begaj.
Kurti me anë të një postimi në Facebook, ka shkruar se uron të gjithë popullin e qytetarët e Shqipërisë për presidentin e tyre të ri.
“Sfidat me të cilat përballen republikat tonë dhe mbarë kombi lehtësohen atëherë dhe sa herë që punojmë bashkë. Andaj, le të angazhohemi e bashkërendohemi drejt synimeve tona për mirëqenie e liri, drejtësi e siguri, zhvillim e progres, gjithnjë në orientimin tonë të palëkundur evropian, perëndimor e demokratik”, ka shkruar Kurti.
Bajram Begaj, është zgjedhur president i Republikës së Shqipërisë me 78 vota pro, katër kundër dhe një abstenim.
Begaj do të jetë pasardhësi i Ilir Metës dhe të qëndrojë në krye të shtetit për pesë vitet e ardhshme.