Interi pritet që të nënshkruajë me Raoul
Bellanova nga Cagliari si i huazuar me obligim blerjen, shkruajnë mediat në
Itali
22 vjeçari ka bërë 31 paraqitje në Serie A
gjatë sezonit të kaluar ku Cagliari i mbijetoi rënies në Serie B.
Gazzetta dello Sport raporton se Bellanova
fillimisht do të vije si i huazuar por Interi obligohet që ta blejë atë pastaj
dhe lëvizja të jetë përmanente.
Ai do ta zëvendësojë Ivan Perisicin, i cili ju
bashkua Tottenhamit, shton ky raport. Bellanova do të luajë kryesisht në anën e
djathtë bashke me Denzel Dumfries teksa Matteo Darmia do të ndërrojë krahët për
të ofruar kështu mbulesë për Roben Gosen, transmeton GazetaExpress.
Marrëveshje duket e njëjtë si ajo që solli
Kristjan Asllanin të Interi nga Empoli, pasi që Simone Inzagji po shikon për
lojtarë të rinj.
I lindur në Itali, Bellanova ka luajtur për
Milanin në nivelet e të rinjve por karrierën profesionale e filloi në Francë me
Bordeaux.
Megjithatë, ai pati një debutim të vështirë
dhe nuk ka luajtur për këtë klub. Ai u huazua te Atalanta në janar 2020 por aftësitë
e tij dolën në pah pasi që luajti në Serie B me Pescara.
Në fillim të sezonit të kaluar, Bellanova ju
bashkua Cagliarit në huazim me opsion blerjen dhe kjo klauzolë u aktivizua në
fund të muajit të kaluar. /GazetaExpress/
The post Interi pritet ta transferojë Bellanovan nga Cagliari në huazim me obligim blerjen appeared first on Gazeta Express.