Përfaqësuesi Special i Bashkimit Evropian për dialogun Kosovë-Serbi dhe çështje të tjera rajonale të Ballkanit Perëndimor, Miroslav Lajçak, do të vizitojë Kosovën nga 27 deri më 29 qershor.
Përmes një njoftimi zyrtar nga Bashkimi Evropian bëhet e ditur se gjatë vizitës së tij Lajçak do të takohet me kryeministrin Albin Kurti, si dhe me liderë të partive kryesore opozitare dhe përfaqësues të bashkësisë ndërkombëtare në Kosovë.
“Gjatë qëndrimit në Kosovë, ai planifikon të vizitojë edhe Prizrenin dhe veriun e Kosovës”, thuhet në njoftim.
Sipas njoftimit është bërë e ditur se fjalimi për media i Lajçak është planifikuar për të mërkurën, 29 qershor, dhe detajet do të ndahen me përfaqësuesit e mediave të martën, më 28 qersho