Sekretari i Përgjithshëm i NATO-s, Jens Stoltenberg, ka mirëpritur njoftimin që Turqia ka dhënë dritën jeshile ndaj aplikacioneve të Suedisë dhe Finlandës për t’u bërë anëtarë të aleancës veri-atlantike.
Duke folur pas marrëveshjes së nënshkruar, shefi i NATO-s ka thënë se tri vendet kanë nënshkruar memorandum që “adreson shqetësimet e Turqisë, përfshirë ato për eksportin e armëve dhe luftimin kundër terrorizmit”, raporton Reuters.