Futbollisti Ylber Ramadani e ka zbuluar se u transferua te Abeerdeeni për shkak të admirimit të tij për trajnerin legjendar, Sir Alex Ferguson.
Ferguson kishte qenë trajner i këtij klubi para se të kalonte për një karrierë të lavdishme te Manchester Unitedi.
Madje, hera e fundit kur ky klub është bërë kampion i Skocisë është viti 1985, nën urdhrat e Fergiet.
“E njoh Aberdeenin që disa vite dhe di gjithçka për këtë klub. E di se si ky klub luan dhe se çfarë dëshiron për të ardhmen”, ka thënë Ramadani.
“Vendosa të vij direkt në Aberdeen dhe transferi ishte shumë i shpejtë. Jam admirues i Sir Alex Fergusonit dhe vendosa që të shkoj direkt aty”.
“Madje edhe babai më tha që t’i bashkohesha Aberdeenit”.
Ramadani, i lindur në Gjermani, e kishte nisur karrierën me klubin e ligës së dytë, Ferizajn.