Rrahman Jasharaj ka paralajmëruar përkeqësim të situatës në sistemin arsimor të Kosovës, nëse nuk do të ekzekutohen pagat e muajit shtator të mësimdhënësve deri më 5 tetor.
Kryetari i Sindikatës së Bashkuar të Arsimit ka thënë se mosekzekutimi i pagave përbën shkelje ligjore.
“Nga informacionet që i kemi jozyrtare flitet se nuk iu kanë dal pagat ne jemi në pritje sepse afati ligjor është deri me 5 tetor, shërbyesve civil iu kanë dal pagat ndërsa në sistemi arsimor ne gëzohemi që ata kanë paga por qeveria ish dashtë të veproj njëjtë t’i ekzekuton pagat e jo të bëjnë ndasi pasi që ndalja e pagës është joligjore. Nëse bëhet ky akt i ndëshkimit një situatë do të kemi më të keqe në sistemin arsimor”, deklaroi Jashari të hënën.
Sot ka filluar mësimi në të gjithë shkollat e Kosovës, pas një muaji grevë në arsim.