Jeton Vllasaliu dhe Nexhat Vllasaliu po akuzohen nga Prokuroria Themelore në Prishtinë për vrasjen e biznesmenit nga Shtimja, Bedri Rexhepi.
Sipas prokurorisë motivi i vrasjes ishin 30 mijë euro.
InDoks ka arritur të sigurojë fotografitë e dy vëllezërve 48 e 54 vjeçarë.
Dyshja nga prokuroria po akuzohen për dy vepra penale, vrasje e rëndë dhe dëmtim i varreve apo kufomave.
Jeton Vllasaliu dhe Nexhat Vllasliu, sipas prokurorisë për 4 muaj radhazi kishin planifikuar vrasjen e Bedri Rexhepit duke e shfrytëzuar afërsinë me viktimën. Ai dyshohet se u vra në shtëpinë e të pandehurit, Nexhat Vllasaliu në fshatin Vllasalli.
Mbetjet mortore të të ndjerin arrijnë të gjenden pas 18 muajve, më saktësisht 30 shtator të këtij viti.
Bedri Rexhepi u varros të enjten e 20 tetorit në varrezat e qyteti të Shtimes. Përveç familjarëve e të afërmeve edhe një numër i madh i qytetarëve u panë të pranishëm për t’i dhënë atij lamtumirën e fundit.