Kryetari i AAK-së, Ramush Haradinaj e ka uruar dëshmorin Zahir Pajaziti, në përvjetorin e 60 të lindjes.
Haradinaj publikoi një foto në Facebook, i përkulur para shtatores së heroit.
“Urime ditëlindja Hero!”, shkroi Haradinaj.
Zahir Pajaziti ishte një prej komandantëve të parë të Ushtrisë Çlirimtare të Kosovës. Ai ra dëshmor më 31 janar 1997 në fshatin Pestovë të Vushtrrisë, në një pritë të organizuar nga forcat serbe.
Pas luftës, ai u shpall hero i Kosovës.