Iraku ka marrë më shumë se 18.000 artefakte të kontrabanduara, sipas ministrit të Jashtëm të vendit të dielën.
“Qeveria irakiane ka bërë përpjekje për të ndaluar operacionet sabotuese kundër antikave, pasi më shumë se 18.000 artefakte të kontrabanduara janë kthyer”, tha Fouad Hussein në hapjen e Forumit të 6-të të Qytetërimeve Arabe në Bagdad.
Kryediplomati, megjithatë, nuk dha asnjë detaj se kur u kthyen këto artefakte.
“Shumica e qytetërimeve të Irakut u janë nënshtruar kërcënimeve të ndryshme dhe terrorizmi ka pasur ndikim në shkatërrimin e monumenteve kulturore, por këto akte terroriste nuk mund të fshijnë historinë,” tha Hussein.
Ministri i Jashtëm bëri thirrje për forcimin e bashkëpunimit dhe koordinimit dypalësh për të tërhequr të gjitha antikitetet e vjedhura.
Mijëra artefakte janë grabitur nga Iraku dhe kanë gjetur rrugën e tyre në tregun ndërkombëtar të artit pas pushtimit të SHBA në vitin 2003./AA