Chelsea është duke përgatitur një ofertë të re për mesfushorin e Brightonit, Moises Caicedo.
Blutë kanë dështuar tashmë me një ofertë për reprezentuesin e Ekuadorit.
Caicedo ka qenë subjekt i një interesi të madh nga Chelsea dhe Liverpool, pasi skuadrat me performancë të dobët kërkojnë të forcojnë qendrën e mesfushave të tyre përkatëse.
Blutë kanë testuar Brightonin me një ofertë fillestare prej 62 milionë euro dhe tani po mendojnë ta ndjekin atë me një ofertë të përmirësuar për yllin e mesfushës – që besohet të jetë mbi 70 milionë.
Skuadra e Graham Potter shpreson të përforcojë departamentin e tyre të mesfushës këtë muaj dhe ka identifikuar ekuadorianin si një opsion të mundshëm, raporton Daily Mail.
Ishte pikërisht trajneri i Chelseat që e kishte transferuar Caicedon te Brightoni dy vjet më parë dhe është i prirur të ketë një ribashkim me mesfushorin në Stamford Bridge.
