Tragjeditë familjare, dyshimet për tradhti, abuzimi me alkoolin e bixhozin dhe xhelozia bëhen shpesh shkaktarë të dhunës që përjetojnë gratë në Kosovë nga partnerët e tyre, e që ndër vite shumë raste të tilla kanë përfunduar tragjikisht, raporton Telenews.al.
Konsumimi i tepërt i alkoolit dhe borxhet e shumta në të cilat është futur, dyshohet të kenë rënduar situatën në një familje në Lipjan.
Një 27-vjeçare ka denoncuar në Polici të shoqin, për të cilin ka deklaruar se ka ushtruar dhunë fizike ndaj saj.
Bazuar në dëshminë e saj, i dyshuari abuzon me alkoolin, bën shpenzime të pakontrolluara dhe futet në borxhe të cilat më pas ndikojnë tek ai që të ketë veprime të dhunshme në shtëpi.
Si pasojë e dhunës që ka përjetuar, viktima ka marrë ndihmë mjekësore, ndërkohë që i dyshuari është arrestuar dhe është shoqëruar në stacion policor për intervistim.
26-vjeçari para hetuesve policorë ka mohuar të ketë ushtruar dhunë ndaj bashkëshortes së tij.
Me urdhër të prokurorit, 48-vjeçari është dërguar në mbajtje dhe do të hetohet nën dyshimet për kryerjen e veprës penale ‘Dhunë në familje’, kurse viktima bashkë me fëmijën janë dërguar në strehimore.