Kryetari i Lidhjes Demokratike të Kosovës (LDK) Lumir Abdixhiku pas takimit me kryeministrin Albin Kurti, ka thënë se duhet konsensus për çështjen e presidentit.
Ai ka thënë se nuk i është propozuar asnjë emër dhe se nuk kanë qendrime refuzuese ndaj askujt, e aq më pak ndaj Vjosa Osmani.
“Le ta provojnë garën, por LDK sugjeron konsesus para garës. S’kemi thënë asnjëherë se kemi apo s’kemi votë për Vjosa Osmanin. Natyrisht se jam takuar. Nëse s’kemi pas marrëveshje politike s’mund të ketë kandidat. Kandidati për president duhet me konsensus. Unë do të prisja që ne të diskutonim për emra, po s’kishte emra. Imponimet s’janë zgjidhje adekuate për LDK -në. Neve s’na është propozuar asnjë emër. S’kemi qendrime refuzuese ndaj askujt, e aq më pak ndaj Vjosa Osmanit. Ne kemi komunikime të rrgeullta institucionale. S’kemi pasur refuzim, por s’eshte prezent një emër i tillë”, tha Abdixhiku.