Presidenti i Federatës së Futbollit të Kosovës, Agim Ademi, ka uruar fitoren bindëse 3:0 të Kombëtares së Kosovës ndaj Andorrës.
Ademi në një postim në Facebook, ka shënuar se kjo fitore dedikohet për Fatjon Bunjakun i cili humbi jetën në orët e hershme të mëngjesit sot në një aksident tragjik.
“Rikthehemi te fitorja, dedikim për Fatjon Bunjakun. Një fitore bindëse 3:0 në miqësoren ndaj Andorrës, në një mbrëmje që iu dedikua me respekt dhe dhimbje kujtimit të futbollistit Fatjon Bunjaku, i cili humbi jetën tragjikisht mesnatën e kaluar” ka shkruar Ademi.
Ai poashtu theksoi se kjo fitore tregoi potencialin e madh të brezit të ri, falënderoi tifozët për mbështetjen e vazhdueshme dhe u shpreh i sigurt se e ardhmja e Kombëtares është në duar të sigurta, ndërsa ftoi të gjithë të vazhdojnë së bashku drejt sfidave të radhës.