Ministrja e Arsimit, Arbërie Nagavci, u ka uruar suksese të gjithë maturantëve që sot i nënshtrohen afatit të dytë të promovimit të maturës.
Nagavci thotë se teksa kjo është një ditë e rëndësishme për nxënësit si ministri kanë ndërmarrë të gjitha masat që procesi të realizohet si duhet.
“Kjo është një ditë e rëndësishme sepse do të tregoni aftësitë dhe shkathtësitë tuaja të fituara përgjatë arsimit parauniversitar. Andaj, uroj që secili nga ju të arrini rezultate sa më të larta të cilat do të ju mundësojnë të vazhdoni tutje shkollimin e lartë. Si Ministri i kemi ndërmarrë të gjithë masat që ky proces të realizohet si duhet dhe pres edhe nga ju që të respektoni rregullat dhe udhëzimet e dhëna. Një falënderim i veçantë edhe për të gjithë personelin e angazhuar në organizimin dhe mbarëvajtjen e Provimit të Maturës. Suksese të gjithëve”, ka shkruar Nagavci në Facebook.