Telenews

Rama nderon vëllezërit Bytyqi: Kosova u detyrohet përjetësisht luftëtarëve

Kryetari i Prishtinës, Përparim Rama, ka bërë homazhe te varrezat e vëllezërve Bytyqi, të cilët i ka përkujtuar për kontributin dhe sakrificën e tyre për lirinë e Kosovës.

Në një postim në Facebook, Rama ka thënë se Kosova u detyrohet përjetësisht luftëtarëve të saj përtej Atlantikut dhe diasporës shqiptaro-amerikane, të cilët, sipas tij, iu bashkuan përpjekjes për çlirimin e Kosovës.

“Një diasporë e tërë u bë pjesë e përpjekjes së Kosovës për liri”, ka shkruar Rama.

Ai ka veçuar vëllezërit Agron, Mehmet dhe Ylli Bytyqi, duke i cilësuar si tre vëllezër shqiptaro-amerikanë që në një moment vendimtar zgjodhën t’i bashkoheshin përpjekjes për lirinë e Kosovës dhe u sakrifikuan për të.

Rama ka bërë homazhe së bashku me kryetarin e Lezhës, Pjerin Ndreu, dhe kryetarin e Federatës Pan-Shqiptare “Vatra”, Elmi Berisha.

“I përjetshëm kujtimi për ju”, ka shkruar Rama në përfundim të postimit.

Të ngajshme

Kuvendi shpall masa emergjente për energjinë, do të jenë në fuqi për 60 ditë

Rrezarta Ramaj

Arrestohet i dyshuari për dhunim në Graçanicë

Rrezarta Ramaj

​Era e fuqishme shkaktoi dëme në Prizren dhe Krushë të Madhe

KushtrimGuraj
Lajmet po ngarkohen…