Mëngjesin e kësaj të marte në qendër të Prishtinës ka nisur një aksion i hetuesve tatimorë të Administratës Tatimore të Kosovës (ATK), të asistuar nga Policia e Kosovës.
Aksioni është duke u zhvilluar në dy lokacione të ndara.
Këtë aksion e ka konfirmuar edhe zëdhënësja e ATK-së, Valentina Bytyqi-Sefa por që nuk ka dhënë detaje.
“Aksioni ka nisur rreth orës 09:00 sot në qendër të Prishtinës në dy lokacione të ndara. Mirëpo nuk mundem t’ju japim informata deri në përfundim sepse mund të ndikojë në procesin e aksionit”, tha Bytyqi-Sefa për KosovaPress.