Aktorja e njohur turke Farah Zeynep Abdullah është dënuar me 2 vjet e 4 muaj heqje lirie
Sipas mediave turke, ajo u dënua për disa postime në rrjetet sociale lidhur me një rast për ngacmim seksual të një femre që ka ndodhur në Turqi.
Dënimi vjen me arsyetimin se “ka fyer me mesazh audio, me shkrim apo video”. Farah Zeynep është e njohur në vendin tonë pasi disa seriale televizive ku ajo bën pjesë janë transmetuar në televizionet shqiptare, ku përmendim serialin “Kurt Seit ve Sura”, krah Kivanc Tatlitug.
Farah Zeynep Abdullah, në deklaratën e saj në prokurori, deklaroi se kallëzimi penal i Musa Orhanit ishte keqdashës dhe kishte për qëllim përfitimin financiar dhe tha: “Postimi është bërë nga unë”. Megjithatë, siç pretendohet, ky postim nuk ka të bëjë fare me fushatë për shpifje.