Ambasadori amerikan në Kosovë, Jeffrey Hovenier, ka shprehur mirënjohjen e thellë për Forcën e Sigurisë së Kosovës pasi pjesëtarët e saj u kthyen mbrëmë nga Turqia ku morën pjesë në operacionin e kërkim-shpëtimit pas tërmetit.
Hovenier tha se ekipi i FSK-së u kthye pasi kreu operacione të suksesshme të ndihmës në Turqi ku shpëtuan disa jetë.
“Shtetet e Bashkuara shprehin mirënjohjen e tyre të thellë për FSK, ekipet e kërkim-shpëtimit dhe ekipet mjekësore ndërsa kthehen në shtëpi në Kosovë. Ekipi i FSK-së kreu operacione të suksesshme të ndihmës në Turqi dhe shpëtoi disa jetë. SHBA-të janë një partner krenar i FSK-së”, ka shkruar ai në Twitter.
Kujtojmë se pjesëtarët e FSK-së mbrëmë morën medalje nga kryeministri Albin Kurti dhe sot u dekoruan nga presidentja, Vjosa Osmani.
The United States expresses its deep gratitude to the @KSF_Kosova search & rescue and medical teams as they return home to Kosovo. The KSF team conducted successful assistance operations in Türkiye and saved several lives. The U.S. is a proud partner to the KSF. 🇽🇰🇺🇸 https://t.co/51BBWtp5yB
— Ambassador Jeff Hovenier (@USAmbKosovo) February 21, 2023