Apple humbi gati 300 miliardë dollarë nga vlera e tregut shkaku i tarifave të Trumpit

Aksionet e Apple ranë me gati 9 për qind mëngjesin e sotëm, pasi investitorët reaguan ndaj njoftimit të madh të tarifave nga presidenti Donald Trump.

Ky është një nga rëniet më të mëdha ditore të vlerës së kompanisë që nga marsi i pandemisë në 2020, duke fshirë mbi 293 miliardë dollarë nga kapitali i tregut brenda pak orësh.

Apple, si dhe kompani të tjera të mëdha të teknologjisë – përfshirë Microsoft, Amazon, Google, Tesla dhe Meta – janë prekur nga tarifat, pasi shumicën e pajisjeve të tyre i prodhojnë në Kinë, Vietnam dhe Indi.

Tarifat e Trumpit e rrisin ndjeshëm koston e importit të tyre në SHBA.

Aksionet e Metës ranë me 8 për qind, Amazon dhe Tesla me 9 për qind, Google me 4 për qind ndërsa Microsoft pësoi një rënie prej 3 për qind.

Analisti Angelo Zino nga CFRA Research thotë se Apple mund të përpiqet të zbusë ndikimin e tarifave duke përmirësuar efikasitetin në zinxhirin e furnizimit dhe duke ndarë koston me konsumatorët.

Megjithatë, ai paralajmëron se “do të jetë e vështirë të transferohet më shumë se 5 deri në 10 për qind e rritjes së kostos” në çmimin final pa rrezikuar ndjeshëm të ardhurat.

Apple humbi gati 300 miliardë dollarë nga vlera e tregut shkaku i tarifave të Trumpit

Kryeministri belg i dërgon mesazh Kurtit: Synojmë lidhje më të forta ekonomike me Kosovën –

Haradinaj për protestat në Shqipëri: Na dhemb sikur ta kishim në familje –

Boksieri nga Zhuri i Prizrenit synon fitoren e tretë radhazi në karrierën profesioniste –

Austria ndan nga 500 euro për çdo fëmijë të lindur nga viti 2027 –

Gjobitet me 255 euro Ronaldo, një shumë qesharake për yllin që fiton 225 milionë euro në vit –

RENEA vendoset sërish te Kryeministria në Tiranë –

Eman Rrahmani: Një çift s’do me i prish linjat e trupit, e marrin një grua me qira me bë fëmijë...

Të ngajshme