Tre persona janë arrestuar në Prizren pasi dyshohet se kanë sulmuar zyrtarët policorë gjatë orëve të para të së shtunës.
Si pasojë e sulmit, zyrtarët policorë kanë pësuar lëndime dhe kanë marrë trajtim mjekësor.
Pas intervistimit, me vendim të prokurorit, dy nga të dyshuarit janë dërguar në mbajtje, ndërsa i dyshuari i tretë është liruar në procedurë të rregullt.
“Prizren / 30.08.2026 – 00:27. Janë arrestuar tre të dyshuar meshkuj kosovare, pasi të njëjtit kanë sulmuar zyrtarët policorë. Zyrtarët policorë kanë pranuar trajtim mjekësor, ndërsa dy prej të dyshuarve pas intervistimit me vendim të prokurorit janë dërguar në mbajtje, ndërsa njëri është liruar në procedurë të rregullt”, thuhet në raportin e Policisë së Kosovës.