Sot nga hetuesit policor të stacionit Qendra në Prishtinë, janë arrestuar tre persona të dyshuar për grabitje në një pompë derivatesh në rrugën “Isa Kastrati” në Prishtinë, ku personat e dyshuar me forcë kanë grabitur një shumë parash dhe disa pako me cigare.
Rasti ka ndodhë të hënën, ndërsa puna e hetuesve policor, është finalizuar sot ku pas marrjes së disa veprimeve intenzive si ato hetimore dhe operative, kanë arrit që të identifikojnë dhe arrestojnë personat e dyshuar: V.K. 21 vjeç, D.K. 23 vjeç, dhe R.H, mashkull, 24 vjeç.
Kështu ka konfirmuar për Paparacin zëdhënësja e policisë për rajonin e Prishtinës, Flora Ahmeti.
“Personat e dyshuar me vendim prokurorit të shtetit, janë dërguar në qendrën e mbajtjes për 48 orë, ndërkohë që hetuesit po kryejn veprimet e nevojshme policore para se rasti të procedohet më tej”, tha Ahmeti.