Policia e Kosovës ka ekzekutuar një urdhëresë të Gjykatës Themelore të Pejës, duke arrestuar një person të shpallur në kërkim për një vepër penale.
Burimet bëjnë të ditur se rasti ka ndodhur dje rreth orës 11:00, në fshatin Jabllanicë e Madhe të Pejës, ku pas një pune operative është arrestuar Gazmend Zekaj rreth 40-vjeçar.
Ai ishte i dënuar me një vit burgim për veprën penale “Prezantim i rremë si person zyrtar” dhe ndaj tij ishte lëshuar urdhëresë nga Gjykata.
Pas arrestimit, i njëjti është dërguar në Qendrën e Paraburgimit në Hajvali, ku do të vuajë dënimin e shqiptuar me vendim gjyqësor.
Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.