Forca e Sigurisë së Kosovës njofton qytetarët se nga data 31 gusht deri më 05 shtator 2025, do të realizojë ushtrimin fushor të koduar “Ujku Shigjetë”, si pjesë e përgatitjeve për validimin e Regjimentit të Tretë.
Gjatë kësaj periudhe do të ketë lëvizje të konvojeve ushtarake nga vendbazimet e FSK-së drejt rajonit të Gjakovës, përkatësisht në Aeroportin e Gjakovës dhe në Poligonin ushtarak në Babaj të Bokës.
Ky aktivitet ushtarak ka për qëllim vetëm zhvillimin e ushtrimit dhe rritjen e gatishmërisë operacionale të njësive të FSK-së.
FSK kërkon mirëkuptimin e qytetarëve për lëvizjet eventuale që mund të shkaktojnë ndonjë shqetësim të përkohshëm në trafik ose në zonat përreth.