Kanë përfunduar katër duele të javës së 33-të në Superligën e Kosovës në futboll.
Ballkani ka vazhduar formën e mirë, duke triumfuar 0:2 në udhëtim ndaj Malishevës.
Bajram Jashanica dhe Bernard Karrica shënuan për fitoren e suharekasve.
Me këtë fitore, Ballkani shkon në kuotën e 69 pikëve në vendin e parë, duke e rritur diferencën me Llapin e Dritën.
Kurse, Malisheva mbetet e katërta me 53 pikë të grumbulluara.
Fitore sot shënoi edhe Drita që triumfoi 1:2 ndaj Prishtinës.
Besnik Krasniqi e Blerim Krasniqi shënuan për gjilanasit, kurse Drilon Islami shënoi për Prishtinën.
Drita tani barazohet me pikë me Llapin, me nga 65, katër më pak se lideri, Ballkani. Kurse, Prishtina mbetet e pesta me 46 pikë.
Ndërsa sot gaboi Llapi që u ndal me barazim 1:1 ndaj Gjilanit, duke bërë një hap të madh prapa në luftë për titull kampioni.
Feronikeli arriti të shënonte fitore bindëse 4:1 ndaj Lirisë me golat e Musës, Bruqit, Tarascos dhe Shillovës. Për mysafirët shënoi Gjumsi në fund të ndeshjes.
Kjo fitore e dërgon Feronikelin në vendin e shtatë me 37 pikë, një më shumë se Gjilani.
Ndërsa, ndeshja mes Fushë Kosovës dhe Dukagjinit ka nisur me një orë vonesë dhe aktualisht po prin ekipi nga Klina 0:1.