Peja e ka fituar përballjen e fundit nga xhiro e 27-të e Superligës së Kosovës në basketboll duke e mposhtur Bashkimin.
Verdhezinjët triumfuan në ”Karagaç” me shifrat e përgjithshme 95-79.
Ndeshja nisi në mënyrë fantastike për vendasit që fituan thellë çerekun e parë (13-14) e Bashkimi e rikuperoi deri diku këtë minus duke e fituar çerekun e dytë (14-25), për të shkuar në pushim me rezultat 47-39.
Në pjesën e dytë, u zhvillua lojë e ngushtë sidomos në çerekun e tretë që u mbyll baraz (25-25), derisa dallimi kryesor u bë në periodën e fundit (23-15), ku Peja e siguroi fitoren.
Jalen Tate ishte pikëshënuesi më efikas te Peja sonte me 23 pikë dhe u ndihmua nga Arti Hajdari me 17 pikë e Devoe Joseph me 15 sosh.
Te Bashkimi u dalluan, Fisnik Rugova me 22 pikë e Dajuan Graf me 20 sosh.
Pas 27 xhirove, Peja renditet e dyta me 20 fitore e 7 humbje, derisa Bashkimi 11 fitore e 15 humbje si i pesti në tabelë dhe ka siguruar ”play off”-in.
Në xhiron e fundit, Peja i shkon Rahovecit e Bashkimi e pret Golden Eagle Yllin.
/AsistiOnline.com/