KB Rahoveci e ka vazhduar formën fantastike në edicionin pranveror.
‘Vreshtarët’ e kanë mposhtur Pejën për herë të dytë me radhë brenda një jave, por sonte me rezultat të ngushtë 63-61, por dhe shumë i vlefshëm për ecurinë e kampionatit dhe afrimin drejt ”play off”’-it.
Rrjedha e ndeshjes nga fillimi e deri në fund ishte shumë e ngushtë me vendasit që fituan dy periodat e para me rezultate identike (16-14, 16-14), derisa pjesa e parë u mbyll 32-28 në favorin e Rahovecit.
Në pjesën e dytë, Peja e fitoi çerekun e tretë ngushtë 13-16, derisa i fundit i takoi minimalisht Rahovecit (18-17) dhe mjaftueshëm sa për fitoren e shtatë me radhë.
Fisnik Rugova ishte individi më i dalluar i Rahovecit sot me double-double (15pk, 11krc), ndihmuar edhe nga Makol Mawien poashtu me double-double (14pk, 11krc) dhe Ivan Koljeviq e TJ Dunans poashtu me nga 14 pikë.
Te Peja s’mjaftuan kurrsesi për fitore, Darius Washington me 17 pikë dhe Arian Qallaku e Calvin Godfrey me nga 12 pikë secili.
Pas xhiros 24, Rahoveci ka momentalisht 35 pikë dhe 11 fitore e 13 humbje, derisa Peja si e treta me 39 pikë ka 15 fitore e 8 humbje.
Në xhiron e ardhshme, Rahoveci e luan derbin për ”play off” ndaj Bashkimit e Peja e pret Trepçën.