Vendet anëtare të Bashkimit Evropian po përgatiten të pezullojnë një marrëveshje për lehtësimin e vizave të vitit 2007 me Rusinë për shkak të luftës në Ukrainë, ka raportuar Financial Times.
Ministrat e jashtëm të BE-së do t’i japin mbështetje politike pezullimit në një takim jozyrtar dy-ditor në Pragë të martën dhe të mërkurën, tha gazeta britanike, duke cituar tre zyrtarë të përfshirë në bisedime.
Disa shtete evropiane kishin kërkuar që të ndalet dhënia e vizave për turistët rusë.
E krejt kjo për shkak të luftës së Rusisë për ta pushtuar Ukrainën.