Bashkëpunimi i Bebe Rexhes me David Guettan nuk ndalet së prekuri suksese në skenën muzikore.
Pas çmimeve dhe performancave mbresëlënëse, hiti “I’m Good (Blue)” ka hyrë në dhjetë këngët e para të top-listës Billboard Hot 100.
Kjo këngë është pozicionuar në vend të shtatë duke lënë madje prapa edhe Rihannan me këngën e saj të rikthimit, “Lift Me Up”.
Për këngëtaren e famshme shqiptare është hera e katërt që përfshihet në dhjetë vendet e para të kësaj top-liste, derisa për David Guettan hera e shtatë.
Ndryshe, në vend të parë në Billboard Hot 100 ndodhet kënga e Taylor Swift, “Anti-Hero”, që ka shënuar javën e katërt në krye të kësaj top-liste.