Deputeti i Aleancës për Ardhmërinë e Kosovës, Bekë Berisha e pyeti ministrin e Infrastrukturës, Liburn Aliu se “a është hajn” Naser Hafizi, drejtorit të Autoritetit Rajonal të Pellgjeve Lumore në këtë ministri, i arrestuar për “Keqpërdorim të detyrës zyrtare”, “Shpëlarje të parave” dhe “Mosraportim apo raportim të rremë të pasurisë të të ardhurave, dhuratave, dobisë tjetër pasurore ose i detyrimeve financiare”.
Pasi Aliu përmendi punët që tha se janë bërë në ministrinë që ai e drejton, Berisha tha se e ka një pyetje.
“Naser Hafizi a është në burg dhe a është hajn?”, tha Berisha.
Ministri, doli në foltore për t’u përgjigjur shumë shkurt.
“Naser Hafizi është në burg”, tha ai.